మంత్రి రామచంద్రయ్యకు కోర్టులో చుక్కెదురు

రాష్ట్ర దేవాదాయశాఖ మంత్రి సి.రామచంద్రయ్యకు రాజంపేట కోర్టులో చుక్కెదురైంది. ఆయనపై విచారణలో ఉన్న కేసును ఉపసంహరించుకుంటూ రాష్ట్రప్రభుత్వం విడుదల చేసిన జీవోను స్థానిక ఫస్ట్‌క్లాస్ జ్యుడీషియల్ కోర్టు బుధవారం తోసిపుచ్చింది. రాజంపేట పట్టణంలో రోడ్డు విస్తరణకు వ్యతిరేకంగా 2006, మార్చి 6న ఆర్ అండ్ బీ కార్యాలయంలో ఫర్నీచర్ ధ్వంసంతోపాటు, పోలీసు ఉన్నతాధికారి లక్ష్మీరెడ్డిని దూషించినట్లు రామచంద్రయ్యపై కేసు నమోదైంది. ఈ కేసును ఉపసంహరించుకుంటూ రాష్ట్రప్రభుత్వం ఇటీవల జీవో విడుదల చేసింది. ఈ జీవోను కోర్టు రద్దు చేసి, కేసును ఈ నెల 28కి వాయిదా వేసింది.