రమణకు నేడు వైఎస్సార్ సీపీ తీర్థం

టీటీడీ పాలక మండలి మాజీ సభ్యుడు ఓవీ రమణ గురువారం వైఎస్సార్ కాంగ్రెస్ పార్టీ తీర్థం పుచ్చుకోనున్నారు. వైఎస్సార్ జిల్లా పర్యటనలో ఉన్న పార్టీ అధ్యక్షుడు వైఎస్ జగన్‌మోహన్‌రెడ్డి రైల్వే కోడూరు నియోజకవర్గంలో ఎన్నికల ప్రచారం నిర్వహించనున్నారు. ఈ పర్యటనలోనే ఓవీ రమణ పార్టీ అభ్యర్థి కరుణాకరరెడ్డితో వెళ్లి జగన్‌ను కలిసి పార్టీలో చేరడానికి రంగం సిద్ధమైంది. ఓవీ రమణ తన అనుచరులతో పాటు వైఎస్ జగన్‌ను కలవనున్నారు.