ప్రజలు ఎన్ని కష్టాలు పడుతున్నా టిడిపి అధ్యక్షుడు చంద్రబాబు అవిశ్వాసం పెట్టరని వైఎస్‌ఆర్ కాంగ్రెస్ పార్టీ అధ్యక్షుడు,ఎంపి జగన్‌మోహన్‌రెడ్డి సోదరి షర్మిల విమర్శించారు. మరో ప్రజాప్రస్థానం పాదయాత్రలో భాగంగా జిల్లాలోని పొందుగుల గ్రామానికి ఆమె చేరుకున్నారు. ఈ సందర్భంగా గ్రామంలో జరిగిన బహిరంగ సభలో ఆమె ప్రసంగించారు. చంద్రబాబు ఈ ప్రభుత్వాన్ని తుగ్లక్ పరిపాలన అంటూనే అవిశ్వాసం పెట్టడానికి వెనుకాడుతున్నారన్నారు. కళ్లు ఆర్పకుండా వెయ్యి అబద్దాలు చెప్పగల ఘనుడు చంద్రబాబు అని విమర్శించారు. చంద్రబాబు ఈ జన్మలో మాటమీద నిలబడరని అన్నారు. కాంగ్రెస్-టిడిపి కుమ్మక్కై నీచరాజకీయాలు చేస్తున్నాయని విమర్శించారు. పులిచింతల ప్రాజెక్ట్ పనులు 75శాతం పూర్తయ్యాయి. మిగిలిన పనులు పూర్తి చేయడానకి ఈ ప్రభుత్వానికి చేతులు రావడం లేదన్నారు. అకాల వర్షాలతో రైతులు పంట నష్టపోతే కనీసం ఈ ప్రభుత్వం పరామర్శించడానికి ముందుకు రాలేదన్నారు. దిల్‌సుఖ్‌నగర్‌లో బాంబు పేలుళ్లపై కేంద్రం ముందుగానే హెచ్చరించినా రాష్ట్ర ప్రభుత్వం మాత్రం మీనమేషాలు లెక్కపెట్టిందని విమర్శించారు.
జగనన్నను 9 నెలలుగా జైల్లో పెట్టి కక్ష తీర్చుకుంటున్నారని, బోన్‌లో ఉన్నా సింహం సింహమే అన్నారు. ఉదయించే సూర్యుడిని ఎవరూ ఆపలేరని చెప్పారు. షర్మిలను చూసేందుకు జనం భారీగా తరలి వచ్చారు.
జగనన్నను 9 నెలలుగా జైల్లో పెట్టి కక్ష తీర్చుకుంటున్నారని, బోన్‌లో ఉన్నా సింహం సింహమే అన్నారు. ఉదయించే సూర్యుడిని ఎవరూ ఆపలేరని చెప్పారు. షర్మిలను చూసేందుకు జనం భారీగా తరలి వచ్చారు.
0 comments:
Post a Comment