‘ఆరు నెలలు ఓపిక పడితే రాజన్న రాజ్యం’

ఆరు నెలలు ఓపిక పడితే రాజన్న రాజ్యం వస్తుందని మహానేత వైఎస్ రాజశేఖరరెడ్డి కుమార్తె షర్మిల యాచారం గ్రామస్తులకుబుధవారం భరోసా ఇచ్చారు. మరో ప్రజాప్రస్థానంలో భాగంగా ఆమె చేపట్టిన పాదయాత్ర 65వ రోజుకు చేరుకుంది. ఈ సందర్భంగా యాచారంలో ఆమె రచ్చబండ నిర్వహించారు. ఈ సందర్భంగా గ్రామస్తులు తమ సమస్యలను షర్మిలకు విన్నవించారు. పక్కనే నాగార్జున సాగర్ డ్యామ్ ఉన్నా ప్రజలకు నీరందించలేని దుస్థితిలో సర్కారు ఉందన్నారు. ఈ కాంగ్రెస్ ప్రభుత్వం ఉపాధి హామీ కూలీల శ్రమను దోపిడీ చేస్తోందని ఆరోపించారు. కాంగ్రెస్, టీడీపీలకు గట్టిగా బుద్ధి చెప్పకుంటే పరిస్థితులు ఇలానే కొనసాగుతాయని అన్నారు. కిరణ్ పాలన చంద్రబాబు పాలనను తలపిస్తోందని షర్మిల ఎద్దేవా చేశారు.