ఏ తప్పూ చేయకపోయినా అక్రమాస్తులంటూ జగన్‌ను అన్యాయంగా జైల్లో పెట్టారు. ఈ పాపం కాంగ్రెస్. టీడీపీలదే, రాజకీయంగా పోటీ ఉన్నప్పుడు రాజకీయంగానే ఎదుర్కోవాలి. అంతేగాని కుట్రలు, కుతంత్రాలు సరికాదు. జగన్‌ను జనం నుంచి దూరం చేయాలన్న ఆ రెండు పార్టీల కుయుక్తులు ఏనాటికీ ఫలించవు. త్వరలోనే జగన్ బయటకు రావడం, రాష్ట్రానికి సీఎం కావడం ఖాయం. పులి బయట ఉన్నా బోనులో ఉన్నా పులే అనే విషయం మరచి జగన్‌ని జైల్లో పెట్టి ప్రజల నుంచి దూరం చేయాలని ఆ రెండు పార్టీలు వృథాగా ప్రయాసపడుతున్నాయి. అంతేనా, షర్మిల పాదయాత్రకు తరలి వస్తున్న జనసందోహాన్ని చూసి కాంగ్రెస్, తెలుగుదేశం పార్టీల నాయకులు వణికిపోతున్నారు.
ఇప్పటికైనా వారు తమ తప్పును తెలుసుకుని మసులుకోకపోతే సగం స్థానాల్లో డిపాజిట్లు కూడా దక్కించుకోలేరు. రాష్ట్రంలో తొంబై శాతం మంది ప్రజలు జగన్ సీఎం కావాలని కోరుకుంటున్నారు ఎంతోమంది తల్లులు తమ బిడ్డే అన్నట్లుగా నిండు మనస్సుతో ఆశీర్వదిస్తున్నారు. ఆ భగవంతుడి ఆశీస్సులతో, తల్లుల ఆశీర్వాదంతో జగన్ నిర్దోషిగా బయటకి వస్తాడు.
అమ్మా విజయమ్మ, తల్లీ భారతీ, సోదరీ షర్మిలా... మీకు కోట్లమంది కుటుంబ సభ్యులున్నారు. మా గుండెల్లో మీరున్నారు. విజయమ్మగారూ మీరు బాధపడకండి. మీ ప్రార్థనను ఆ దేవుడు తప్పక ఆలకిస్తాడు. తప్పకుండా జగనన్న తొందరగా బయటికి వచ్చి వీళ్లందరికి బుద్ధి చెప్తాడు.
- నీలం శివగంగాధర,
వీరపునాయునిపల్లె, వైయస్సార్ జిల్లా
0 comments:
Post a Comment