జగనన్నని జైల్లో ఉంచినంత మాత్రాన జనం కాంగ్రెస్‌ను నమ్ముతారా?! - YSR - YS Jagan - YSR Congress fans
www.ysrcongress.net :

Home » » జగనన్నని జైల్లో ఉంచినంత మాత్రాన జనం కాంగ్రెస్‌ను నమ్ముతారా?!

జగనన్నని జైల్లో ఉంచినంత మాత్రాన జనం కాంగ్రెస్‌ను నమ్ముతారా?!

Written By ysrcongress on Saturday, March 23, 2013 | 3/23/2013


ఈ కుటిల రాజకీయాలను చూస్తుంటే మనసుకు ఎంతో బాధ కలుగుతోంది. జగన్‌ను, ఆయన కుటుంబ సభ్యులను ఎందుకిలా అందరూ కలిసి అన్యాయంగా యాతన పెడుతున్నారో అర్థం కావడంలేదు. భర్త దూరంగా ఉండి, మనసులో బాధ బయటికి చెప్పుకోలేక భారతిగారు ఎంతగా కుమిలిపోతున్నారో అప్పుడప్పుడు సాక్షి ఫ్యామిలీలో ఆమె రాసే లేఖలను బట్టి తెలుస్తోంది. అలాగే అమ్మ విజయమ్మ బాధ ఎవరూ తీర్చలేనిది. భర్త దూరం అయ్యి విజయమ్మగారు, జైలు పాలైన భర్తను చూస్తూ భారతి గారు, నాన్న కోసం అలమటిస్తూ పిల్లలు ఎంతగా దుఃఖిస్తున్నారో కాంగ్రెస్, తెలుగుదేశం నాయకులు అంతగా ఆనందిస్తున్నారు.

అమ్మా... భయపడకండి! దుర్మార్గులకు ఆనందం కొంతవరకు మాత్రమే. నీతిమంతులను దేవుడు ఎల్లప్పటికీ జ్ఞాపకం చేసుకుంటాడు. ‘దుఃఖ పడువారలు ధన్యులు. మీరు ఓదార్చబడుదురు’ అనే బైబిల్ వాక్యం మీ జీవితాలలో నెరవేరుతుంది. అమ్మా విజయమ్మా... ఈ కష్టాలు చూడమని మా దేవుడు వైయస్సార్ మిమ్మల్ని వదిలి వెళ్లలేదు. ఇటువంటి నీతిమాలిన ప్రభుత్వాలు కూడా ఉంటాయి అని తెలియజేయటానికి మాత్రమే వెళ్లారు. మరల మా ‘రాజన్న’ రాజ్యం వస్తుంది. మా జగనన్న తీసుకువస్తాడు. ఎప్పుడూ వైయస్సార్‌గారిలా మీ కుటుంబం అంతా నవ్వుతూ ఉండాలని మా ఆశ. మేము జీవితాంతం మీకు తోడుగా ఉంటాం. ఎందరు కలిసినా, ఎన్ని కుట్రలు చేసినా జగనన్నకు ఏమీ కాదు. త్వరలోనే జగనన్న బయటకు వస్తాడు.

- దండే మధుకృష్ణ, పెంటపాడు, ప.గో.జిల్లా

జగనన్నని జైల్లో ఉంచినంత మాత్రాన జనం కాంగ్రెస్‌ను నమ్ముతారా?!

జగనన్నా! మీ రాకకోసం జనం వేయికళ్లతో ఎదురు చూస్తున్నారు. మీరు ఓదార్పు యాత్రలో ఉండగా ఇంట్లో సీబీఐ సోదాలు చేస్తున్నప్పుడు మీరు ఏమాత్రం వెనుకడుగు వేయలేదు. ఎందుకంటే మీరు ఏ తప్పూ చేయలేదు. పైగా, క్షణం కూడా విరామం లేకుండా ఓదార్పుయాత్ర కొనసాగిస్తున్నారనీ, అధికార పార్టీ పెద్దలకు నిద్రలేకుండా చేస్తున్నారని, మీపై అన్యాయంగా సీబీఐ ఎంక్వైరీ వేయించి, మిమ్మల్ని, మీ కుటుంబాన్ని, మీ అభిమానులను ఈ ప్రభుత్వం తీవ్రమైన మనోవేదనకు గురిచేసింది. అంతకు అంతా కాంగ్రెస్‌కు ప్రజలే తగిన బుద్ధి చెప్తారు. జైలు నుంచి విడుదల చేస్తే సాక్షుల్ని ప్రభావితం చేస్తారనే కుంటి సాకుతో మీకు బెయిల్ రాకుండా సీబీఐ ఏవో సాకులు చెబుతోంది.

ఈ ధోరణి వల్ల రానున్న ఎన్నికలలో తమ పార్టీకే తీవ్రనష్టం జరుగుతుందనే విషయాన్ని కాంగ్రెస్ పెద్దలు ఊహించలేకపోవడం విడ్డూరం. ఇప్పుడున్న ప్రభుత్వం వైయస్సార్ రెక్కల కష్టం నుండి వచ్చిందనే వాస్తవాన్ని మరిచిపోయిన ఈ కాంగ్రెస్ పెద్దలకు విశ్వాసమన్నదే లేదని మీ అరెస్ట్‌తోనే జనానికి అర్థమయింది. వైయస్సార్ గారు ఉన్నప్పుడు గోడమీద పిల్లుల్లా ఉన్న ఈ నాయకులు, ఆయన అకాల మరణం తరువాత పులుల్లా మారిపోయారంటే పరిస్థితి అర్థమవుతోంది. ఈ నీచప్రభుత్వానికి రానున్న ఎన్నికలలో ఒక్క స్థానం వచ్చినా ఎక్కువే. ప్రజల గుండెల్లో ఉన్న వ్యక్తిని జైల్లో ఉంచినంత మాత్రాన జనం కాంగ్రెస్‌ని నమ్మరు. జనం గుండెల్లో ఉన్న వ్యక్తినే జనం నమ్ముతారు. జైల్లో ఉండగా ఎన్నికలు నిర్వహించినా జగనన్నే గెలుస్తాడు. అది తథ్యం!

- జి.సుబ్రహ్మణ్యం, భీమవరం, ప.గో.జిల్లా

చిరునామా: జగన్ కోసం, సాక్షి ఫ్యామిలీ, సాక్షి, రోడ్ నెం.1, బంజారాహిల్స్, హైద్రాబాద్-34.
e-mail: ysjagankosam@gmail.com
Share this article :

0 comments: