వర్షంలో తడుస్తూ ప్రసంగించిన షర్మిల

మహానేత వై.ఎస్.రాజశేఖరరెడ్డి తనయ, జననేత జగన్‌మోహన్‌రెడ్డి సోదరి షర్మిల మరో ప్రజాప్రస్థానం పేరిట చేపట్టిన పాదయాత్ర బుధవారం నరసరావుపేట నియోజకవర్గంలో సాగింది. నరసరావుపేట పట్టణం పాత పల్నాడు బస్టాండ్ సెంటర్ లో ఏర్పాటు చేసిన బహిరంగ సభలో ఈ సాయంత్రం షర్మిల పాల్గొన్నారు. సభ ప్రారంభమైన తర్వాత భారీ వర్షం కురిసింది. వర్షంలోనే తడుస్తూనే షర్మిల ప్రసంగం కొనసాగించారు. జనం కూడా వర్షంలోనే తడుస్తూనే ఆమె ప్రసంగం విన్నారు. పెద్ద ఎత్తున తరలివచ్చిన జనంతో పాత పల్నాడు సెంటర్ పోటెత్తంది.