విద్యుత్ కోతలపై వైఎస్ఆర్ సీపీ నిరసన

 పెంచిన విద్యుత్ ఛార్జీలు, కరెంట్ కోతలకు నిరసనగా వైఎస్ఆర్ కాంగ్రెస్ పార్టీ సోమవారం రాష్ట్రవ్యాప్తంగా నిరసన కార్యక్రమాలు చేపట్టింది. ఇందులో భాగంగా గుంటూరు జిల్లా సత్తెనపల్లిలో జరుగుతున్న ధర్నాలో పార్టీ గౌరవ అధ్యక్షురాలు విజయమ్మ, షర్మిల పాల్గొన్నారు. ఈ సందర్భంగా షర్మిల మాట్లాడుతూ ప్రభుత్వానికి ముందుచూపు లేకపోవటం వల్లే రాష్ట్రంలో విద్యుత్ సమస్య తలెత్తిందన్నారు. విద్యుత్ కోతలతో రైతులు తీవ్ర ఇబ్బందులు ఎదుర్కొంటున్నారని అన్నారు. ప్రభుత్వ వైఖరిపై షర్మిల తీవ్రస్థాయిలో విరుచుకుపడ్డారు.