'Anam Kutalapai fire'

ఎర్రగడ్డ మానసిక వైద్యశాల (ఇన్ స్టిట్యూట్ ఆఫ్ మెంటల్ హెల్త్) వద్ద తీవ్ర ఉద్రిక్త పరిస్థితి నెలకొంది. మంత్రి ఆనం రామనారాయణ రెడ్డిని మానసిక వైద్యశాలలో చేర్పించాలని వైఎస్ఆర్ కాంగ్రెస్ పార్టీ కార్యకర్తలు డిమాండ్ చేశారు. ఆస్పత్రి సూపరింటెండెంట్ కు ఈమేరకు వినతిపత్రం ఇవ్వడానికి ఆ పార్టీ నేతలు ఆస్పత్రి వద్దకు వచ్చారు. పోలీసులు ఆస్పత్రి గేట్లు మూసివేసి వారిని అడ్డుకున్నారు. ఈ సందర్భంగా పోలీసులు, వైఎస్‌ఆర్ సీపీ కార్యకర్తలకు మధ్య తోపులాట జరిగింది. నేతలు పుత్తా ప్రతాప్‌ రెడ్డి, నల్లా సూర్యప్రకాశ్ సహా పలువురికి గాయాలయ్యాయి. పోలీసులు నేతలను బలవంతంగా అరెస్టు చేశారు.