వైఎస్సార్ టీయూసీకి అనుబంధంగా ఆర్టీసీ మజ్దూర్ యూనియన్

హైదరాబాద్: ఆర్టీసీలోని రాష్ట్రీయ మజ్దూర్ ఫెడరేషన్ సభ్యులందరూ ఈనెల 1 నుంచి వైఎస్సార్ టీయూసీ అనుబంధ ఆర్టీసీ మజ్దూర్ యూనియన్ సభ్యులుగా కొనసాగాలని నిర్ణయించినట్లు ఫెడరేషన్ అధ్యక్షుడు ఎ.రాజారెడ్డి ఒక ప్రకటనలో తెలిపారు. 2011, జూలై 5న వైఎస్సార్ సీపీ అధ్యక్షుడు వైఎస్ జగన్‌మోహన్‌రెడ్డి చేతుల మీదుగా రాష్ట్రీయ మజ్దూర్ ఫెడరేషన్ వైఎస్సార్ టీయూసీకి అనుబంధ సంఘంగా ఏర్పడిందని వివరించారు. పార్టీ ఆదేశాలకు అనుగుణంగా వైఎస్సార్ ఆర్టీసీ మజ్దూర్ యూనియన్‌గా మార్పు చేయాలని సంకల్పించి ఏప్రిల్ 29న కొత్తగా రిజిస్ట్రేషన్ చేయించామని వెల్లడించారు.