పాలమూరు జిల్లాలో నేడు విజయమ్మ పర్యటన

వైఎస్ఆర్ కాంగ్రెస్ పార్టీ గౌరవ అధ్యక్షురాలు వైఎస్ విజయమ్మ నేడు మహబూబ్ నగర్ జిల్లాలో పర్యటించనున్నారు. కల్వకుర్తి మండలం కొట్ర సమీపంలో జరగనున్న జిల్లా కార్యకర్తల విస్తృత స్థాయి సమావేశంలో ఆమె పాల్గొననున్నారు. స్థానిక ఎన్నికల్లో విజయం సాధించడానికి విజయమ్మ ఈ సందర్భంగా పార్టీ శ్రేణులకు దిశానిర్దేశం చేస్తారు. అలాగే ఆమనగల్లు మండలంలోని కడ్తాల్ లో ఇటీవల ఆత్మహత్య చేసుకున్న కాళ్ల గణేష్ కుటుంబాన్ని విజయమ్మ పరామర్శించనున్నారు. ఆనంతరం ఆమనగల్లులో మహానేత వైఎస్సార్ విగ్రహావిష్కరణ ఆ తర్వాత వెల్దండ మండలంలో రోడ్ షో నిర్వహించనున్నారు. ఈ సదస్సుకు పార్టీ జిల్లా కన్వీనర్ ఎడ్మ కిష్టారెడ్డితో పాటు ముఖ్య నేతలు కేకే మహేందరరెడ్డి, బాజిరెడ్డి గోవర్దన్‌రెడ్డి, కొండా సురేఖ, రెహ్మాన్, జిట్టా బాలక్రిష్ణారెడ్డి, గట్టు రామచందర్‌రావు, రవీంద్రనాయక్ తదితర రాష్ట్ర నాయకులు హాజరు కానున్నారు.