చంచల్ గూడ జైలు వద్ద భారీ పోలీసు బందోబస్తు

వైఎస్ జగన్ ను నేడు కోర్టుకు హాజరు పరచనున్న నేపథ్యంలో శుక్రవారం చంచల్ గూడ జైలు వద్ద పోలీసులు భారీగా బందోబస్తు ఏర్పాటు చేశారు. కాగా ఆరు నెలల తర్వాత జగన్ ను చూసేందుకు అభిమానులు, కార్యకర్తలు పెద్ద ఎత్తున తరలి వచ్చారు. అయితే వారిని పోలీసులు అడ్డుకుంటున్నారు. దాంతో పోలీసుల వైఖరిపై కార్యకర్తలు, అభిమానులు ఆగ్రహం వ్యక్తం చేస్తున్నారు. మరోవైపు సైదాబాద్, డబీర్ పురాల నుంచి చంచలగూడ వెళ్లే మార్గాల్లో వాహనాల అనుమతికి పోలీసులు నిరాకరించారు.