నేడు జగన్ బెయిల్ పై వెలువడనున్న తీర్పు - YSR - YS Jagan - YSR Congress fans
www.ysrcongress.net :

Home » » నేడు జగన్ బెయిల్ పై వెలువడనున్న తీర్పు

నేడు జగన్ బెయిల్ పై వెలువడనున్న తీర్పు

Written By news on Monday, September 23, 2013 | 9/23/2013

నేడు జగన్ బెయిల్ పై వెలువడనున్న తీర్పు
హైదరాబాద్ : వైఎస్‌ జగన్‌ మోహన్‌రెడ్డి బెయిల్‌ పిటిషన్‌పై ఇవాళ తీర్పు వెలువడనుంది. తమ దర్యాప్తు ముగిసిందని సీబీఐ కూడా వెల్లడించడంతో ఇరు పక్షాల వాదనలు విన్న న్యాయస్థానం తీర్పు వెలువరించనుంది. సుప్రీంకోర్టు సూచన మేరకు గడువు ముగియడంతో వైఎస్‌ జగన్‌మోహన్‌రెడ్డి బెయిల్‌ కోసం చేసుకున్న దరఖాస్తుపై మరికొన్ని గంటల్లో తీర్పు వెలువడనుంది. బెయిల్‌ పిటిషన్‌పై ఈనెల 18న ఇరుపక్షాల వాదనలను విన్న న్యాయస్థానం తీర్పు సోమవారానికి వాయిదా వేసిన విషయం తెలిసిందే.

 సీబీఐ దర్యాప్తు పూర్తైనందున వైఎస్‌ జగన్‌ మోహన్‌ రెడ్డికి  బెయిల్‌ మంజూరు చేయాలని జగన్‌ తరపు న్యాయవాది కోర్టును కోరారు. దర్యాప్తు  పెండింగ్‌లో ఉందని సీబీఐ కోర్టు, హైకోర్టు, సుప్రీంకోర్టు గతంలో బెయిల్‌ నిరాకరించిన విషయాన్ని గుర్తు చేశారు. బెయిల్‌ అనేది ప్రాథమిక హక్కని...  వ్యక్తిపై ఆధారపడి బెయిల్‌ నిరాకరించడం తగదని చెప్పడంతోపాటు విచారణలో తనను తాను డిఫెండ్‌ చేసుకునేందుకు  నిందితుడికి బెయిల్‌ మంజూరు చేయొచ్చంటూ సుప్రీంకోర్టు గతంలో ఇచ్చిన తీర్పులను జగన్‌ తరపు న్యాయవాది వాదనల సందర్భంగా ప్రస్తావించారు.

 బెయిల్‌ ఇచ్చిన తర్వాత  సాక్ష్యుల్ని ప్రభావితం చేశారని భావిస్తే... బెయిల్‌ను రద్దు చేయొచ్చని కూడా కోర్టుకు హామీ ఇచ్చారు. ఇది రాజకీయ ప్రేరేపితమైన కేసని... రాజకీయ నాయకులు సీబీఐ డైరెక్టర్‌ను కలుస్తున్నారని జగన్‌ తరపు న్యాయవాది కోర్టు దృష్టికి తెచ్చారు. ఏ ప్రాతిపదికన శిక్ష విధించమని కోరుతున్నారో అర్థం కావడం లేదని విచారణ సందర్భంగా న్యాయవాది వివరించారు. వాదనలు పూర్తయినందున కోర్టు వెలువరించే తీర్పుపై సర్వత్రా ఉత్కంఠ నెలకొంది.
Share this article :

0 comments: