చంద్రబాబు ప్రెస్‌మీట్స్‌కే పరిమితం

గుంటూరు: రాష్ట్రాన్ని సమైక్యంగా ఉంచడానికి తమ పార్టీ అధ్యక్షుడు వైఎస్ జగన్ అలుపెరుగని పోరాటం చేస్తున్నారని వైఎస్సార్ కాంగ్రెస్ పార్టీ అధికార ప్రతినిధి అంబటి రాంబాబు అన్నారు. టీడీపీ అధినేత చంద్రబాబు నాయుడు మాత్రం హైదరాబాద్‌లో కూర్చొని ప్రెస్‌మీట్స్‌కే పరిమితం అయ్యారని విమర్శించారు.

ఇతర రాష్ట్రాల్లోనూ పర్యటిస్తూ వైఎస్ జగన్ ప్రజాస్వామ్య పరిరక్షణకై మద్దతు కూడగడుతున్నారని తెలిపారు. రాష్ట్రపతిని కలిసే హక్కు ఎవరికైనా ఉందన్నారు. ఓర్వలేని టీడీపీ నేతలు విమర్శలే పనిగా పెట్టుకున్నారని ధ్వజమెత్తారు. టీడీపీకి సీమాంధ్రలో రాజకీయ సమాధి తప్పదని అంబటి రాంబాబు హెచ్చరించారు.