వైఎస్ఆర్ సీపీకి ఈసీ గుర్తింపు

వీడియోకి క్లిక్ చేయండి

న్యూఢిల్లీ: వైఎస్ఆర్ కాంగ్రెస్ పార్టీ గుర్తింపు పొందిన రాజకీయ పార్టీగా అవతరించింది. వైఎస్ఆర్ సీపీకి గుర్తింపునిస్తూ కేంద్ర ఎన్నికల సంఘం సోమవారం రాత్రి నోటిఫికేషన్ జారీ చేసింది. 1968 నాటి పార్టీ గుర్తుల చట్టంలో అన్ని నిబంధనలను వైఎస్ఆర్ సీపీ సంతృప్తి పరిచిందని ఈసీ తెలిపింది. సీలింగ్ ఫ్యాన్ గుర్తు పూర్తిగా వైఎస్ఆర్ సీపీకే చెందుతుందని పేర్కొంది. గుర్తింపు లభించడంతో వైఎస్ఆర్ కాంగ్రెస్ పార్టీకి విప్ జారీ చేసే అధికారం లభిస్తుంది.

వైఎస్సార్ కాంగ్రెస్ పార్టీ పోటీ చేసిన తొలి సార్వత్రిక ఎన్నికల్లోనే అరుదైన గౌరవం సాధించింది. ఈ ఎన్నికల్లో దేశంలోని మొత్తం ప్రాంతీయ పార్టీల్లో సొంత రాష్ట్రంలో ఎక్కువ ఓట్ల శాతం సాధించిన పార్టీగా వైఎస్సార్సీపీ రికార్డు సృష్టించింది. పొత్తులేవీ లేకుండా ఒంటరిగా పోటీ చేసిన రాజకీయ పార్టీల్లో అత్యధిక శాతం ఓట్లను వైఎస్సార్ కాంగ్రెస్ పార్టీ సాధించింది.