వైఎస్సార్‌సీపీకి దక్షిణ భారత దళిత క్రిస్టియన్ అసోసియేషన్ మద్దతు

దళిత క్రిస్టియన్లను ఎస్సీ జాబితాలో చేరుస్తానని ప్రకటించిన వైఎస్సార్‌సీపీకి మద్దతిస్తున్నట్లు దక్షిణ భారత దళిత క్రిస్టియన్ అసోసియేషన్ ప్రకటించింది. వైఎస్సార్‌సీపీ దళిత క్రైస్తవులకు అనుకూలంగా ఉండడంతోపాటు లౌకికవాద దృక్పథం కలిగి మతోన్మాద బీజేపీకి వ్యతిరేకంగా నిలిచిన పార్టీ అని, అందుకే ఆ పార్టీకి అండగా నిలిచినట్లు సంఘం కన్వీనర్ నాగళ్ల పోచయ్య శనివారం ఒక ప్రకటనలో తెలిపారు. ఆంధ్రప్రదేశ్‌లో బీజేపీతో జత కట్టిన తెలుగుదేశం పార్టీని అసోసియేషన్ తీవ్రంగా వ్యతిరేకిస్తుందన్నారు. మే 7న సీమాంధ్రలో జరిగే ఎన్నికల్లో టీడీపీ-బీజేపీ కూటమిని ఓడించి వైఎస్సార్‌సీపీ అభ్యర్థులను భారీ మెజారిటీతో గెలిపించాలని ఆయన పిలుపునిచ్చారు.