నాటకీయ పరిణామాల మధ్య కొడాలి నాని అరెస్ట్ - YSR - YS Jagan - YSR Congress fans
www.ysrcongress.net :
Home » » నాటకీయ పరిణామాల మధ్య కొడాలి నాని అరెస్ట్

నాటకీయ పరిణామాల మధ్య కొడాలి నాని అరెస్ట్

Written By news on Sunday, November 15, 2015 | 11/15/2015


నాటకీయ పరిణామాల మధ్య కొడాలి నాని అరెస్ట్కొడాలి నాని (ఫైల్) ఫోటో
గుడివాడ: కృష్ణా జిల్లా గుడివాడ వైఎస్సార్ సీపీ ఎమ్మెల్యే కొడాలి నానిని పోలీసులు ఆదివారం ఉదయం అదుపులోకి తీసుకున్నారు. వైఎస్సార్ సీపీ కార్యాలయానికి సంబంధించిన భూ వివాదంలో  పోలీసులు ఆయనను అదుపులోకి తీసుకోవడంతో పరిస్థితి ఉద్రిక్తంగా మారింది.

పార్టీ కార్యాలయం నిర్వహిస్తున్న అద్దె భవనానికి ఇటీవల యజమాని తాళం వేయడంతో దాన్ని తొలగించేందుకు ఎమ్మెల్యే ప్రయత్నించడంతో.. అక్కడికి చేరుకున్న పోలీసులు నానిని అదుపులోకి తీసుకున్నారు. నాటకీయ పరిణామాల మధ్య ఆయనను కైకలూరు పోలీస్ స్టేషన్‌కు తరలించారు.
వైఎస్సార్ సీపీ కార్యాలయాన్ని బలవంతంగా ఖాళీ చేయిందుకు పోలీసులు యత్నిస్తున్నారు. పార్టీ కార్యాలయం వద్ద 200 మంది పోలీసులతో భారీ బందోబస్తు ఏర్పాటు చేశారు. ఎమ్మెల్యే కొడాలి నాని అరెస్ట్ తో పార్టీ కార్యాలయానికి భారీగా పార్టీ కార్యకర్తలు, నాయకులు చేరుకున్నారు. గుడివాడలో జరిగిన తాజా పరిణామాలపై వైఎస్సార్ సీపీ అధ్యక్షుడు వైఎస్ జగన్ మోహన్ రెడ్డి కొడాలి నానితో ఫోన్ లో మాట్లాడారు.
Share this article :

0 comments: