తిరుపతి : ఐఎంజీ భూ వ్యవహారంలో ముమ్మాటికీ అక్రమాలు చోటుచేసుకున్నాయని వైఎస్ఆర్ సీపీ నేత, మాజీ మంత్రి పెద్దిరెడ్డి రామచంద్రారెడ్డి అన్నారు. విచారణ జరిపితే చంద్రబాబునాయుడు అవినీతి బండారం బట్టబయలు అవుతుందని ఆయన శనివారమిక్కడ వ్యాఖ్యానించారు.
అందుకే భూ పంపిణీపై విచారణకు చంద్రబాబు జంకుతున్నారని రామచంద్రారెడ్డి విమర్శించారు. తెలుగుదేశం పార్టీతో లోపాయికారి ఒప్పందం వల్లే విచారణపై కాంగ్రెస్ సర్కార్ మౌనం పాటిస్తోందన్నారు. ప్రభుత్వం విచారించకుంటే వైఎస్ఆర్ కాంగ్రెస్ పార్టీ అధికారంలోకి వచ్చాక విచారణ జరుపుతామని ఆయన అన్నారు
అందుకే భూ పంపిణీపై విచారణకు చంద్రబాబు జంకుతున్నారని రామచంద్రారెడ్డి విమర్శించారు. తెలుగుదేశం పార్టీతో లోపాయికారి ఒప్పందం వల్లే విచారణపై కాంగ్రెస్ సర్కార్ మౌనం పాటిస్తోందన్నారు. ప్రభుత్వం విచారించకుంటే వైఎస్ఆర్ కాంగ్రెస్ పార్టీ అధికారంలోకి వచ్చాక విచారణ జరుపుతామని ఆయన అన్నారు
ప్రచారం ముందో, ప్రచారం తర్వాతో కూడా ప్రశ్నించవచ్చు కదా. అయినా జగన్‌చేసిన తప్పేంటి? తండ్రి మరణాన్ని తట్టుకోలేక వందలాదిమంది అభిమానులు చనిపోయారు. వారి కుటుంబాలను చూసి తల్లడిల్లిన జగన్ నల్లకాలువలో ఒకే ఒక్క మాట ఇచ్చారు. ‘స్వయంగా నేనే మీ ఇంటికి వచ్చి ఓదార్చుతాను’ అని చెప్పారు. ఇదే తప్పయితే - చనిపోయిన వారి కుటుంబ సభ్యులను భారతీయ సంప్రదాయం ప్రకారం పరామర్శించడానికి వెళ్లిన వారిది కూడా ఇక నుంచీ తప్పనుకోవాలా? అధిష్టానం అభీష్టానికి వ్యతిరేకంగా ఓదార్పుయాత్రకు వెళ్లారని సాకుగా చూపించిన కాంగ్రెస్ నాయకులు... టీడీపీతో కుమ్మక్కై, కుట్ర రాజకీయాలకు తెర తీసి జగన్‌పై అక్రమ కేసులు బనాయించి జైలుకు పంపారు. సీబీఐ కూడా తన వంతు పాత్రను పోషిస్తోంది. జగన్ బయట ఉంటే సాక్షులను ప్రభావితం చేస్తాడట, అందుకే ఆయనకు బెయిల్ ఇవ్వకూడదట!
అనుమతులు లేనిదే ప్రాజెక్టుల నిర్మాణం చేపట్టొద్దని, వాటివల్ల ఖర్చు పెరిగిపోతుందని కంప్ట్రోలర్ అండ్ ఆడిటర్ జనరల్ (కాగ్) తన నివేదికలో చేసిన వ్యాఖ్యలను వైఎస్సార్ కాంగ్రెస్ పార్టీ శాసనసభా పక్ష ఉప నేత ధర్మాన కృష్ణదాసు తీవ్రంగా తప్పుబట్టారు. కాగ్ ధోరణి చూస్తుంటే అది ఏదో రాజకీయ పార్టీ ప్రాపకం కోసం పని చేస్తున్నట్టు కనిపిస్తోందని వ్యాఖ్యానించారు. 2004-2012 మధ్య కాలంలో ప్రాజెక్టుల నిర్మాణ వ్యయంపై కాగ్ ప్రత్యేకంగా రూపొందించిన నివేదిక చూస్తే, ఈ దేశంలో సాగునీటి ప్రాజెక్టులు అనవసరమన్న భావన కలిగేలా ఉందన్నారు. ‘‘కాగ్ ప్రదర్శిస్తున్న ఈ వైఖరినే పాలకులు అనుసరించి ఉంటే భాక్రానంగల్, నాగార్జునసాగర్ వంటి ప్రతిష్టాత్మకం, దేశానికే తలమానికమైన బహుళార్థసాధక ప్రాజెక్టులు అందుబాటులోకి వచ్చేవి కావు. భారతదేశంలో, అదీ గోదావరి నదిపై బ్యారేజీ నిర్మిస్తే మనకేం ప్రయోజనమని నాటి బ్రిటిష్ ఇంజనీర్ సర్ ఆర్ధర్ కాటన్ అనుకుని ఉంటే గోదావరి జిల్లాలు ధాన్యాగారంగా పేరు గాంచేవి కావు’’ అన్నారు.
తప్పులు వెదకడమే తప్ప రాష్ట్ర ప్రజలకు ఆహారభద్రత, ఆరోగ్య భద్రత, విద్యా భద్రత వంటివి కాగ్‌కు పట్టవన్న అభిప్రాయం కలుగుతోంది. ఆహార భద్రతకు దోహదపడే సాగునీటి ప్రాజెక్టులకు కాస్ట్ రేషియో బెనిఫిట్‌ను ఈ దేశంలో ఇంగిత జ్ఞానం ఉన్నవారెవరూ చూడరు. అనుమతులు లేకుండా ప్రాజెక్టులు కట్టొద్దట! వాటి నిర్మాణం వల్ల ఆర్థిక భారం పడుతుందట! కాంట్రాక్టర్లకు అయాచిత లబ్ధి చేకూరుతుందట! ఏమిటీ వ్యాఖ్యలు? పైగా, ఒక్కసారి ఇన్ని ప్రాజెక్టులు చేపట్టడమేమిటని అకౌంటెంట్ జనరల్ తుమ్మల వాణి మీడియా సమావేశంలో వ్యాఖ్యానించడం చూశాను. రైతులకు, రాష్ట్రానికి మేలు కలుగుతుందని భావిస్తే ప్రభుత్వాలు నిర్ణయాలు తీసుకుని అమలు చేస్తాయి. భారీ ప్రాజెక్టులు చేపట్టినప్పుడు ఎక్కడో ఓ చోట అవకతవకలు జరుగుతాయేమో. ఆరు దశాబ్దాల క్రితం నాగార్జునసాగర్ ప్రాజెక్టు నిర్మించినప్పుడు కూడా ఆరోపణలు వచ్చాయి. వ్యవసాయ రంగంలో ఉత్పత్తి, ఉత్పాదకత పెంచడానికి సాగునీటి సౌకర్యం కల్పించడం తప్ప మరో మార్గం లేదు. ఆ ప్రాజెక్టులను ఈపీసీ ద్వారా చేపట్టాలా, లేదా మరో విధానంలోనా అన్నది నిర్ధారించాల్సింది, ప్రజల అవసరాలను గుర్తించి నిర్ణయాలు తీసుకునేది వారెన్నుకున్న ప్రభుత్వాలు మాత్రమే తప్ప కాగ్ కాదు’’ అని అన్నారు.
‘‘అలాంటప్పుడు ఐదేళ్ల వైఎస్ హయాంనే కాగ్ ఎందుకు పరిగణనలోకి తీసుకున్నట్టు? ఆ నివేదికలోనూ ఎల్లో మీడియా కథనాల మాదిరి వ్యాఖ్యలుండటం ఏమిటి? ఇక్కడ కాగ్ ఎవరి ప్రయోజనాల కోసం పని చేస్తోందో వీటిని బట్టే అర్థమవుతోంది’’ అన్నారు. కాగ్ పేర్కొన్నట్టుగా ప్రాజెక్టుల అంచనా వ్యయం ఆషామాషీగా పెరగదని గుర్తు చేశారు. ‘‘పునరావాస కార్యక్రమాలు, భూ సేకరణకు వెచ్చించాల్సిన నిధులతో పాటు స్టీలు, సిమెంటు ధరలు ఎప్పటికప్పుడు పెరుగుతాయి కాబట్టి అంచనా వ్యయంలో మార్పు వస్తుంది. కాబట్టి ప్రజలను పక్కదారి పట్టించాలని కాగ్ ప్రయత్నించడం సరి కాదు. జలయజ్ఞం పనులను పారదర్శకంగా నిర్వహించేందుకు ఈపీసీ (ఇంజనీరింగ్, ప్రొక్యూర్‌మెంట్ అండ్ కన్‌స్ట్రక్షన్) విధానాన్ని అమలు చేశారు. దానిప్రకారం టెండర్ దక్కించుకున్న కాంట్రాక్టరు ప్రాజెక్టును సకాలంలో పూర్తి చేయాల్సి ఉంటుంది.
‘‘భవిష్యత్తు ఆహార అవసరాలను పరిగణనలోకి తీసుకుంటే ఈ దేశానికి నీరు ఎంతో అవసరం. ఎక్కువ నీటిని రైతులకు అందుబాటులోకి తేవడమే అదనపు ఆహార ధాన్యాల ఉత్పత్తికి ఉన్న ఏకైక మార్గం. అందుకోసం సాగునీటి ప్రాజెక్టుల నిర్మాణం అత్యవసరం. గతంలో ఈ ప్రయత్నం చేయని వారిని ప్రజా జీవితం నుంచి బహిష్కరించాలి. ఈ ప్రాజెక్టులను అమలు చేయని రాజకీయ నాయకుల వ్యవహార శైలి నాకు ఆశ్చర్యం కలిగిస్తోంది. ప్రతి దశలోనూ తప్పుడు సమాచారం ఇవ్వడం ద్వారా వాళ్లు సమస్యలు సృష్టించేందుకు ప్రయత్నిస్తున్నారు. మానవమాత్రులమైన మనం ఇక్కడ శాశ్వతం కాదు.
సౌదీ అరేబియా, కువైట్ దేశాల్లో అమలు చేస్తున్న ‘నితాఖత్’ విధానం వల్ల ఉపాధి కోల్పోయి వెనుదిరిగి వచ్చే రాష్ట్రానికి చెందిన కార్మికులను ఆదుకోవాలని, ఇందుకోసం తక్షణం ఒక విధానాన్ని రూపొందించాలని వైఎస్సార్ కాంగ్రెస్ పార్టీ గౌరవాధ్యక్షురాలు వైఎస్ విజయమ్మ డిమాండ్ చేశారు. ఈమేరకు ముఖ్యమంత్రి నల్లారి కిరణ్‌కుమార్‌రెడ్డికి ఆమె శుక్రవారం ఒక లేఖ రాశారు.
తెలంగాణలో వైఎస్సార్ కాంగ్రెస్ పార్టీ మెజారిటీ స్థానాలు సాధిస్తుందని మాజీ మంత్రి, ఆ పార్టీ కేంద్ర కార్యనిర్వాహక మండలి సభ్యురాలు కొండా సురేఖ చెప్పారు. చిత్తూరు జిల్లా చంద్రగిరి నియోజకవర్గంలోని తుమ్మలగుంటలో నిర్వహించిన వైఎస్సార్ స్మారక గ్రామీణ క్రికెట్ పోటీల్లో విజేతలకు శుక్రవారం ఆమె బహుమతులు అందజేశారు. ఈ సందర్భంగా సురేఖ విలేకరులతో మాట్లాడుతూ తెలంగాణలో వాతావరణం తమపార్టీకి అనుకూలంగానే ఉందన్నారు. సీబీఐ చార్జిషీట్‌లో పేర్లు నమోదైన మంత్రులను అరెస్టు చేయాలని టీడీపీ కోరడంపై ఆమె మాట్లాడుతూ అక్రమాలకు పాల్పడినట్లు రుజువైతే అలాగే చేయాలన్నారు. స్థానిక సంస్థల ఎన్నికల్లో అధికార పార్టీ అక్రమాలకు పాల్పడే అవకాశముందన్నారు. బీసీ ఓటర్ల గుర్తింపులోనూ అవకతవకలకు పాల్పడుతున్నారని ఆరోపించారు.
22-6-13-38140.jpg)
‘ఏడాది కాలం నుంచి చూస్తున్నా. వై.ఎస్. జగన్ మోహన్‌రెడ్డికి బెయిల్ రేపొస్తది.. మాపొస్తది అని చెప్తున్నారు. ఎంత అన్యాయం అమ్మా.. వైఎస్ పేదోళ్ల కోసం పని చేసినందుకు జగనన్నను జైల్లో పెట్టారా? లేకుంటే ఆయన 35 ఏళ్లు కాంగ్రెస్ పార్టీకి సేవ చేసినందుకు ఆయన కొడుకును జైల్లో పెట్టారా? కోర్టులో జడ్జి తీర్పును నేను ఏమీ అనడం లేదమ్మా. కానీ నేను కూడా తీర్పు చెప్పే రోజు దగ్గరలోనే ఉంది. వైఎస్ జగన్‌మోహన్‌రెడ్డి నిర్దోషి అని నా ఓటుతో తీర్పు చెప్తా. కోర్టులో జడ్జీలు చెప్పే తీర్పుకు తిరుగుంటుందేమో గానీ, జనం తీర్పుకు తిరుగు లేదమ్మా’ - మరో ప్రజా ప్రస్థానంలో శుక్రవారం షర్మిలతో బంగారయ్యపేట గ్రామానికి చెందిన 75 ఏళ్ల విశ్రాంత రైతు కన్నారావు ఉద్వేగంతో అన్న మాటలివి! వైఎస్ హయాంలో ఆదర్శ రైతు పతకాన్ని అందుకున్న ఆయన, ఆ సందర్భంగా మహా నేత ఇచ్చిన ప్రశంసా పత్రాన్ని షర్మిలకు చూపించారు. షర్మిల చేపట్టిన మరో ప్రజా ప్రస్థానం పాదయాత్ర శుక్రవారం తూర్పుగోదావరి జిల్లా ప్రత్తిపాడు నియోజకవర్గంలో కొనసాగింది.
21-6-13-0734.jpg)
