సోమ కంపెనీకి దక్కిన పోలవరం టెండర్

పోలవరం టెండర్ సోమ కంపెనీకి దక్కింది. పోలవరం టెండర్లను అధికారులు ఈరోజు తెరిచారు. 4712 కోట్ల రూపాయలు వ్యయమయ్యే ఈ ప్రాజెక్టు నిర్మాణానికి ఆరు కంపెనీలు పోటీ పడ్డాయి. నాలుగు కంపెనీలు సరైన డాక్యుమెంట్లు సమర్పించనందున ఆ టెండర్లను తిరస్కరించినట్లు ఇంజనీర్-ఇన్-ఛీఫ్ వెంకటేశ్వర్లు తెలిపారు. రెండు కంపెనీల టెండర్లు ప్రాజెక్టు నిర్మాణవ్యయానికి దగ్గరగా ఉన్నాయి. ఎల్-1గా సోమ అండ్ కంపెనీ 4,599.99 కోట్ల రూపాయలకు కొటేషన్ దాఖలు చేసింది. ఎల్ -2గా ఎస్ఇడబ్ల్యూ కంపెనీ 4,653.99 కోట్ల రూపాయలకు కొటేషన్ దాఖలు చేసింది. సోమ కంపెనీకి టెండర్ దక్కిందని వెంకటేశ్వర్లు చెప్పారు.